اسلام آباد۔ 15 جولائی (اے پی پی) اڳلے 2 توں 3 ݙینھ دے دوران ملک دے مختلف علاقیں وچ تکھا ،ہمج وسݨ پاروں شہراں وچ چھل دی صورت پاروں جݙاں جو ندی نالیں وچ طغیانی دا ݙر اے۔ این ڈی ایم اے سارے متعلقہ اداریں کوں ہدایات جاری کیتیاں ہن جو کسی وی ممکنہ ہنگامی صورتحال نال نبݨݨ سانڳے پیشگی اقدامات کوں یقینی بݨایا ونڄے۔ ترجمان این ڈی ایم اے موجب ، پنجاب دے ضلعیں راولپنڈی، سرگودھا، فیصل آباد، ساہیوال، چنیوٹ، ٹوبہ ٹیک سنگھ، نارووال، اوکاڑہ، جھنگ، بہاولنگر، ملتان، خانیوال اتے بہاولپور وچ آندے 12 توں 24 گھنٹے وچ اندھاری تے طوفان سودھے تکھا مینھ وسݨ دا امکان اے ۔ اسلام آباد اتے تے نیڑے علاقیں اچ زور دا مینھ وسݨ دا امکان اے۔15 توں 18 جولائی تئیں لاہور، گوجرانوالہ، سیالکوٹ، مظفرگڑھ، ساہیوال، ملتان، کوٹ ادو، تونسہ اتے بہاولپور دے شہری علاقیں وچ چھل دی صورتحال جݙاں جو راجن پور، ڈی جی خان وچ پہاڑی ندی نالیں / ہل ٹورنٹس وچ طغیانی دا خطرہ اے۔ ایں سلسلے وچ جاری ایڈوائزری وچ آکھیا ڳئے جیڑھا جو پیر پنجال رینج توں نکلݨ آلے نالیں وچ پاݨی دے وہݨ اچ غیر معمولی وادھا تھی سڳدے، عوام احتیاط کرے۔ خیبرپختونخوا دے ضلعیں چترال، دیر، سوات، کالام، مانسہرہ، ایبٹ آباد، مردان، پشاور، کوہاٹ، بنوں اتے وزیرستان وچ آندے 24 گھنٹے دے دوران تکھا مینھ اتے ممکنہ لینڈ سلائیڈنگ دا خدشہ اے۔ بلوچستان دے علاقیں کوئٹہ، ژوب، کوہلو، شیرانی، زیارت، قلات، بارکھان، آواران، نصیر آباد، ڈیرہ بگٹی اتے سبی وچ آندے 24 گھنٹے وچ اندھاری اتے وقفے وقفے نال مینھ دی پیشگوئی کیتی ڳئی اے۔ترجمان آکھیا جو این ڈی ایم اے اتے متعلقہ ادارے صورتحال تے پوری نظر رکھے ہوئن، وختی اقدامات کوں یقینی بݨایا ویندا پئے۔ تکھے صورت وچ ندی نالیں، پُلاں اتے پاݨی وچ ٻݙیاں سڑکاں توں نہ گزرن۔ ممکنہ چھل دی صورتحال پاروں نویں علاقیں دے مکین قیمتی چیزاں اتے مال ڈھور محفوظ علاقیں تے منتقل کرݨ دا پہلے توں بندوبست رکھن۔ حساس علاقیں دے مکین ہنگامی صورتحال سانڳے 3 توں 5 ݙینھ دی خوراک، پاݨی اتے دوائیں تے مشتمل ایمرجنسی کٹ تیار رکھن۔ مقامی انتظامیہ اتے متعلقہ ادارے وختی نکاسی آب سانگے ضروری مشینری اتے پمپس تیار رکھن۔ چھل دے علاقیں دے رہݨ آلے ٹی وی اتے موبائل الرٹس دے ذریعے سرکاری اعلانات اتے الرٹس توں باخبر رہن۔ این ڈی ایم اے سارے متعلقہ اداریں کوں ہدایات جاری کیتیاں ہن جو کسی وی ممکنہ ہنگامی صورتحال نال نبݨݨ سانڳے پیشگی اقدامات کوں یقینی بݨایا ونڄے۔ عوام کوں مشورہ ݙتا ڳئے جو موسم اتے ممکنہ خطرات دے حوالے نال آگاہی سانگے پاک این ڈی ایم اے ڈیزاسٹر الرٹ ایپ توں رہنمائی حاصل کرے۔
