جدہ۔20مارچ(اے پی پی) وزیراعظم محمد شہباز شریف تے سعودی عرب دے ولی عہد و وزیراعظم شہزادہ محمد بن سلمان پاکستان تے سعودی عرب وچال ودھدے اقتصادی تعاون تے اطمینان کریندے خطے اچ امن ، استحکام تے خوشحالی سانڳے آپݨے سانجھے وژن کوں ودھارا ݙیوݨ سانڳے ہر سطح تے رل تے کم کرݨ تے اتفاق کیتے ۔ وزیراعظم دفتر دے میڈیا ونگ توں جاری بیان موجب وزیراعظم محمد شہباز شریف سعودی عرب دے ولی عہد اتے وزیر اعظم شہزادہ محمد بن سلمان نال ملاقات کیتی، ایں موقع تے نائب وزیراعظم و وزیر خارجہ اسحاق ڈار، آرمی چیف جنرل سید عاصم منیر اتے وزیراعلیٰ پنجاب مریم نواز وی موجود ہن ۔ ملاقات اچ پاکستان تے سعودی عرب وچال تکڑے تے تاریخی تعلقات دی اہمیت تے زور ݙتا ڳئے تے اقتصادی، تجارتی، سرمایہ کاری، توانائی اتے دفاعی شعبیں اچ تعاون ودھاوݨ تے ڳالھ مہاڑ کیتی ڳئی ۔ ݙوہیں رہنماواں پاکستان تے سعودی عرب وچال ودھدے اقتصادی تعاون تے اطمینان کیتے ۔وزیراعظم اہم شعبیں اچ سرمایہ کاری ودھاوݨ سانڳے سعودی عرب دے عزم دی تعریف کیتی جیڑھا جو پاکستان دی اقتصادی ترقی اتے استحکام اچ معاون ثابت تھیسی۔ فریقین علاقائی سلامتی دے مسئلیں نال نبݨݨ سانڳے سانجھیاں کوششاں دی اہمیت کوں م??ین??ے دفاعی تےسکیورٹی تعاون کوں تکڑا کرݨ دا عزم کیتے۔ ݙوہیں رہنماواں ابھردی علاقائی صورتحال دے نال نال خطے دے سیاسی منظر نامے تے وی ڳالھ مہاڑ کیتی ۔ انہاں خطے اچ امن، استحکام اتے خوشحالی سانڳے آپݨے سانجھے وژن کوں ودھارا ݙیوݨ سانڳے ہر سطح تے رل تے کم کرݨ تے اتفاق کیتے۔ سعودی ولی عہد سعودی عرب اچ پاکستانی ک??یونٹی دی چنڳی خدمات دا اعتراف کیتے تے انہاں دی فلاح و بہبود سانڳے اقدامات ودھاوݨ تے اتفاق کیتے۔ ݙوہیں رہنماواں عوام وچال رابطے ، ثقافتی تبادلے تے تعلیمی تعاون کوں ??زی?? تکڑا بݨاوݨ دی لوڑھ تے زور ݙتے ۔ وزیراعظم اتے ولی عہد سانجھے احترام، مشترکہ مفادات اتے ترقی و خوشحالی دے سانجھے وژن دی رہنمائی اچ پاکستان تے سعودی عرب دی شراکت داری ک??ں اُتے گھن ونڄݨ دا عزم کیتے۔
.jpg)
.jpg)
