اسلام آباد – 30 جولاءِ (اي پي پي) اين سي او سي اجلاس دوران ڪراچي ۾ ڪورونا وبا جي تيزي سان پکڙجڻ تي غور ڪيو ويو. سنڌ حڪومت سان تعاون لاءِ مختلف قدمن تي خيالن جي ڏي وٺ ڪئي وئي. جمعي ڏينهن نيشنل ڪمانڊ اينڊ آپريشن سينٽر (اين سي او سي) پاران جاري ڪيل بيان موجب اين سي او سي اجلاس دوران ڪراچي ۾ وبا جي تيزي سان پکڙجڻ تي غور ڪيو ويو ۽ فيصلو ڪيو ويو ته سنڌ حڪومت سان تعاون لاءِ سمورا امڪاني قدم کنيا وڃن ته جيئن وبا جي پکيڙ کي روڪي سگهجي. هن چيو ته وفاقي حڪومت پاران سنڌ حڪومت سان تعاون لاءِ کنيل قدمن ۾ آڪسيجن بيڊز، وينٽي ليٽرز جو تعداد وڌائڻ سميت آڪسيجن جي دستيابي شامل آهي، قدمن تحت قانون لاڳو ڪندڙ ادارن جي اهلڪارن کي ڪورونا ايس او پيز تي عملدرآمد ڪرائڻ لاءِ مقرري به قدمن ۾ شامل آهي.
