اسلام آباد۔22فروری (اے پی پی) وفاقی وزیر صحت عبدالقادر پٹیل آکھیا جو 2023 پولیو دے خاتمے کیتے اہم سال اے، 39 ضلعیاں اچ 60 لکھ توں ودھ ٻالاں کوں پولیو دے قطرے پلائے ڳن۔ بدھ کوں وزارت صحت توں جاری بیان موجب وفاقی وزیر آکھیا جو ملک دے مختلف حصیاں اچ پںج سالیں توں ڳھٹ عمر دے سٹھ لکھ توں ودھ ٻالاں کوں پولیو وائرس توں بچاؤ دی مہم مُک ڳی اے۔ انہاں آکھیا جو لاہور، فیصل آباد اتے جنوبی خیبرپختونخوا دے ست ضلعے بنوں، ڈی آئی خان، ٹانک، شمالی وزیرستان، بالائی جنوبی وزیرستان، زیریں جنوبی وزیرستان اتے لکی مروت اچ مہم تھئی۔ اتے افغانستان دے نال دے علاقے 30 ٻے ضلعیاں دے مخصوص یونین کونسلز بشمول افغان پناہ گزین کیمپاں اتے ایجھے علاقیاں اچ جتھ آبادی کثرت نال آوںج تھی اے، اتھاں مطلوبہ ویکسی نیشن دا ہدف پورا کر ڳھدا ڳے۔
