اسلام آباد/ریاض ۔ 16 اکتوبر (اے پی پی) وزیراعظم عمران خان 15 اکتوبر کوں سعودی عرب دا دورہ کیتا تے خادم الحرمین الشریفین شاہ سلمان بن عبدالعزیز السعود اتے ولی عہد شہ??ادہ محمد بن سلمان نال انجھ انجھ ملاقات کیتی ۔ اے دورہ خطے اچ امن اتے سلامتی کےتے وزیراعظم دیاں کوششاں دا حصہ ہئی ۔ وزیراعظم دے سعودی عرب دے دورے دے چھیکڑ تے جاری اعلامیے دے مطابق ملاقاتاں دے دوران وزیراعظم آکھیے جو پاکستان اتے سعودی عرب دے تعلقات پکے ہن ۔وزیراعظم ت??انائی اتے سرمایہ کاری دے شعبیں اچ تعاون ، ڈوپاسے تجارت اتے عوام وچال رابطیں کوں مزید ودھارا ڈیونڑ دے عزم دا اعادہ کیتے ۔ خلیج دی صورتحال دا ذکر کریندے ہوئیں وزیراعظم فوجی جھیڑے توں بچنڑ تے سارے فریقین وچال تعمیری رابطے دی اہمیت تے زور ڈتا۔ وزیراعظم عمران خان پرامن ذرائع نال اختلافات اتے جھیڑے دے حل تے کشیدگی گھٹ کرنڑ کیتے سہولت کاری دیاں کوششاں کیتے پاکستان دی آمادگی دا اظہار کیتے ۔ سعودی قیادت پاکستان دے نال نیڑے تعلقات دے عزم دا اعادہ کیتے تے تجارت ، توانائی ، سلامتی اتے دفاع سمیت سارے شعبیں اچ ڈو پاسے تعاون کوں ودھارا ڈیونڑ دے عزم دا اعادہ کیتے ۔ سعودی عرب ولوں مسئلہ کشمیر تے پاکستان دی حمایت تے کشیدگی اچ ودھارا نہ کرنڑ تے ہک پرامن حل دی اہمیت دا اعادہ کیتا گے۔ سعودی قیادت خطے اچ امن اتے استحکام دے ودھارے کشیدگی اچ کمی کیتے وزیراعظم عمران خان دیاں مخلصانہ کوششاں دی تعریف کیتی ۔ سعودی قیادت نال جامع اتے تعمیری گال مہاڑ کیتی گئی ۔ معاملات دی پیچیدگی اتے چیلنجاں دے پیش نظر فریقین ایں عمل کوں اگی تے ودھاونڑ تے مشاورت برقرار رکھنڑ تے اتفاق کیتے ۔وزیراعظم سعودی قیادت کوں مقبوضہ جموں وکشمیر اچ 70 توں ودھ ڈینھ جاری مواصلاتی پابندیاں، مسلسل لاک ڈاﺅن اتے کرفیو سمیت انسانی حقوق دی سنگین صورتحال اتے انسانی بحران بارے ڈسایا جیں دی وجہ توں80 لکھ توں ودھ کشمیریاں دی زندگی ??تا??ر تھئی اے تے ایندے نال علاقے اچ امن تے سلامتی کوں خطرہ تھی گے ۔ وزیراعظم عمران خان دا اجوکے سال سعودی عرب دا اے تریجھا دورہ ہئی ،۔ پاکستان اتے سعودی عرب دے تعلقات سانجھے اعتماد ، ہم آہنگی ، نیڑے تعاون اتے ہک ڈوجھے دی حمایت دی روایت دی بنیاد تے قائم ہن ۔ وزیراعظم ایں امر دا اعادہ کیتا جو پاکستان ہمیشہ سعودی عرب دے رلے کھڑے ۔وزیر خارجہ شاہ محمود قریشی، وزیراعظم دے معاون خصوصی اوورسیز پاکستانیز سید ذوالفقار عباس بخاری اتے بئے اعلیٰ سطح دا وفد وی وزیراعظم دے رلے ہئی ۔
