اسلام آباد۔30مارچ (اے پی پی) وزیراعظم شہباز شریف لکی مروت اچ پولیس تھاݨاں صدر تے حملے دی مذمت کریندیں ہوئیں ڈی ایس پی اقبال مہمند سودھے ترائے جواناں دی شہادت تے ݙکھ تے افسوس کیتے۔ خمیس کوں وزیراعظم آفس دے میڈیا ونگ توں جاری بیان موجب وزیراعظم شہید تھیوݨ آلے ڈی ایس پی ہیڈ کوارٹر اقبال مہمند، سپاہی وقار، مرجان، کرامت کوں خراج عقیدت پیش کیتا۔ وزیراعظم شہیداں دے ٹبراں نال تعزیت اتے ہمدردی کیتی۔ وزیراعظم آکھیا جو پولیس دہشت گردی دے خلاف فرسٹ لائن آف ڈیفنس دا شاندار کردار ادا کریندی پی اے۔ انہاں دعا کیتی جو اللہ تعالیٰ شہیداں کوں اپݨےجوار رحمت اچ ڄاہ ݙیوے اتے زخمیاں کوں جلدی صحت ݙیوے۔
