کوئٹہ۔27اگست(اے پی پی)نگراں وزیراعظم انوار الحق کاکڑ نال بلوچستان دے قبائلی عمائدین ملاقات کیتی۔ وزیرِ اعظم سارے قبائلی عمائدین دا شکریہ ادا کیتے انہاں دے علاقے دے مسائل سݨین۔ نگراں وزیرِ اعظم بلوچستان دے مسائل دے حل کیتے سارے وسائل لاوݨ دا آکھیا۔ وزیرِ اعظم آکھیا جو پاکستان دی ترقی بلوچستان دی ترقی دے بغیر ممکن کائنی، حکومت بلوچستان اچ بیرونی سرمایہ کاری ودھاوے، زرعی و صنعتی شعبے دی ترقی، روزگار دے مواقع کیتے ترجیحی کم کیتے ویسن، بلوچستان دے نینگراں کوں ترقی دے ہکو سویں موقع ݙتے ویسن، ملکی معاشی ترقی اچ بلوچستان دا کردار ودھاوݨ کتیے انفراسٹرکچر، بجلی، پاݨی اتے سارے وسائل لاعے ویسن۔ ملاقات اچ گورنر بلوچستان عبدالولی کاکڑ اتے نگراں وزیرِ اعلی علی مردان ڈومکی وی موجود ہن۔
