کراچی۔ 23 مئی (اے پی پی) پی آئی اے دی پرواز 171 طلبا کوں ڳھن تے کرغزستان توں کراچی پڄ ڳئی۔ ترجمان پی ائی اے موجب قومی ایر لائن پی آئی اے دا کرغزستان توں پاکستانی طالب علماں کوں بحفاظت آپݨے وطن واپسی ڳھن آوݨ دا سلسلہ جاری اے، خمیس کوں پی آئی اے دی پرواز پی کے 6260 توں 171 مسافر سویلے اٹھ وڄ تے پںج منٹ تے کراچی پڄ ڳئے ہن۔ انہاں ٻیا ݙسیا جو پی آئی اے دی خمیس دے ݙینھ ٻئی ݙوپروازاں بشکیک کیتے روانہ تھیسن۔ پہلی پرواز ݙوپہر ݙو وڄے لاہور توں اتے ݙوجھی پرواز کوئٹہ توں رات 11 وڄے ویسی۔
