اسلام آباد – 24 سيپٽمبر (اي پي پي) اطلاعات ۽ نشريات واري وفاقي وزير فواد چوڌري چيو آهي ته ڀارت جيڪڏهن وڙهڻ چاهي ٿو ته اسان وڌيڪ 70 سال به وڙهي سگهون ٿا، سي پيڪ سان پاڪستان ۾ تمام وڏو ڦيرو اچڻ وارو آهي، ڀارت پنهنجي اندروني حالتن جي ڪري بهانو بڻايو، ڀارت جي اندروني سياست کان متاثر نه ٿينداسين، ڪشمير ڀارت جي هٿ مان نڪري چڪو آهي، پورو پاڪستان متحد آهي ۽ اسان ڀارت کي جواب ڏيڻ ڄاڻون ٿا. سينيٽ جي اجلاس ۾ سينيٽر رضا رباني پاران عوامي اهميت واري معاملي تي ڳالهائيندي اطلاعات ۽ نشريات واري وفاقي وزير فواد چوڌري چيو ته سينيٽر رضا رباني جيڪي نقطا اٿاريا آهن اهي اهم آهن.
