اسلام آباد۔4اپریل (اے پی پی) وزیراعظم محمد شہبازشریف آکھیا جو ججز دے خط تے سپریم کورٹ از خود کاروائی کریندی پئی اے، خطوط اچ ملݨ آلے مشکوک پاؤڈر دے معاملے دی تحقیقات تھیندی پئی اے، ایں معاملے تے سیاست نی تھیوݨی چاہیدی۔ معاشی ترقی، غریبی اتے بے روزگاری اچ ڳھٹکی کیتے ݙینھ رات کم کرݨا پوسی۔ معاشی ترقی، غریبی اتے بے روزگاری ڳھٹ کرݨ کیتے ݙینھ رات کم کرݨا وپسی۔ آئی ایم ایف نال ایں مہینے سٹینڈ بائی معاہدے دی 1.1 ارب ڈالر دی چھیکڑی قسط مل ویسی۔ معاشی استحاکم کیتے آئی ایم ایف دا ہک ٻیا پروگرام ضروری اے۔ ایف بی آر دی ڈیجیٹائزیشن کیتے کنسلٹنس ایں مہینے لا ݙتے ویسن۔ پی آئی اے دی نجکاری شیڈول دے مطابق تھیسی، چینی انجینئرز اتے کارکناں دی سکیورٹی کوں فول پروف ٻݨایا ویسی۔ اے ڳالھیں انہاں خمیس کوں آپݨی صدارت اچ وفاقی کابینہ دے اجلاس اچ ڳالھ مہاڑ کریندیں ہوئیں آکھی۔ وزیراعظم آکھیا جو وفاقی کابینہ دے گزریل اجلاس اچ چیف جسٹس سپریم کورٹ نال ملاقات دی روشنی اچ انکوائری کمیشن دی منظوری ݙتی ڳئی۔ سابق چیف جسٹس تصدق جیلانی دے مشورے اتے رضامندی نال ایں انکوائری کمیشن دانوٹیفکیشن جاری کیتا ڳئیا ہئی پر بعد اچ انہاں معذرت کر ڳھدی جئیں دے بعد سپریم کورٹ ایں معاملے دا از خود نوٹس ڳھدے اتے ہݨ عدالت عظمیٰ اچ سݨیج تھیندی پئی اے۔ وزیراعظم آکھیا جو چینی سفیر نال انہاں داسو دا دورہ کیتے۔ چینی انجینئرز اتے کارکناں نال میݙی ملاقات تھئی اتے انہاں کوں تسلی ݙتی۔ مرݨ آلیاں دی میتاں ایئرفورس دے طیارے تے چین پڄا ݙتی ڳئی اے۔ صوبیاں نال رَل تے چینی انجینئرز اتے کارکناں دی سکیورٹی کوں فول پروف ٻݨایا ویسی۔
