جمہوریہ کرغزستان نال تجارت، سرمایہ کاری، عوامی تے علاقائی رابطے دے شعبیاں اچ تعاون ودھاوݨ دی لوڑھ اے، وزیر اعظم شہباز شریف دی کرغزستان دی وزرا کابینہ دے چیئرمین ژاپاروف اکیل بیک نال ڳالھ مہاڑ

2025-03-05 17:37:12

Prime Minister Muhammad Shehbaz Sharif meets Mr. Akylbek Japarov, Chairman of the Cabinet of Ministers of the Kyrgyz Republic, on the sidelines of SCO Council of Heads of Government (CHG) Meeting. Islamabad: October 15, 2024.

اسلام آباد۔15اکتوبر (اے پی پی) وزیر اعظم محمد شہباز شریف جمہوریہ کرغزستان نال تعاون ودھاݨ دی خواہش کریندیں ہوئیں تجارت، سرمایہ کاری، عوامی تے علاقائی رابطے دے شعبیاں اچ تعاون ودھاوݨ دی لوڑھ تے زور ݙتا۔ وزیر اعظم آفس دے میڈیا ونگ توں جاری بیان موجب اسلام آباد اچ تھیوݨ آلے شنگھائی تعاون تنظیم دے کونسل آف ہیڈز آف گورنمنٹ (سی ایچ جی) اجلاس دے موقع تے جمہوریہ کرغزستان دی وزراکابینہ دے چیئرمین ژاپاروف اکیل بیک نال ملاقات کیتی۔ وزیراعظم شنگھائی تعاون تنظیم دے اجلاس اچ جمہوریہ کرغزستان دی شرکت دا شکریہ ادا کیتا اتے ایس سی او دے اڄوکے سربراہ دی حیثیت نال کرغزستان ولوں پاکستان دی حمایت دی تعریف کیتی۔ وزیراعظم ݙوہیں ملکاں وچال پراݨے برادرانہ تعلقات دا ذکر کریندیں ہوئیں پاکستان اتے کرغزستان وچال ݙوپاسہ تعلقات دے ودھارے تے اطمینان کیتا۔ وزیراعظم جمہوریہ کرغزستان نال تعاون ودھاوݨ دی خواہش کیتی۔ ژاپاروف اکیل بیک پاکستان ولوں شنگھائی تعاون تنظیم دے سربراہانِ حکومت دے اجلاس دے کامیاب انعقادتے وزیر اعظم شہباز شریف کوں مبارخ ݙتی اتے دورے تے آئے ہوئے وفود دے پرتپاک استقبال، بہترین انتظامات اتے شاندار مزمان نوازی تے شکریہ ادا کیتا۔ انہاں کرغزستان دی پاکستان نال تعاون جاری رکھݨ دی خواہش کیتی جئیں نال ݙوہیں ملکاں دی عوام دے آپسی فیدے دے سارے شعبیاں اچ ݙوپاسہ تعاون ودھایا ویسی۔

مضمون کا ماخذ : جنگل کے راز

متعلقہ مضامین