لاہور۔19فروری(اے پی پی)وزیراعلیٰ عثمان بزدار آکھیے جو حکومت ملک کوں درست راہ تے پا ݙتے، وزیراعظم دی اڳواݨی اچ حکومت پچھلیاں حکومتاں داڳند صاف کیتے۔ اے ڳالھ انہاں لاہور اچ پاکستان تحریک انصاف دے عہدیداران نال ملݨ ویلھے آکھی۔ انہاں آکھیا جو پنجاب دے ہر چھوٹے وݙے ضلع ونڄ تے عوامی مسائل حل کرینداں، منتخب نمائندوں اتے پارٹی عہدیداراں دی صلاح نال عوامی مسائل دے حل کیتے ٻہوں کم کیتے، میݙے در تحریک انصاف دے عہدیداران کیتے ہر ویلھے کھلے ہین، پارٹی عہدیداران کوں پورا احترام ݙتا ویسی۔ وزیراعلیٰ نال ملݨ آلیاں اچ پاکستان تحریک انصاف سرگودھا دے صدر و ٹکٹ ہولڈر انصر اقبال ہرال اتے ٹکٹ ہولڈر اسامہ میلہ شامل ہن۔
