اسلام آباد۔29نومبر(اے پی پی):وفاقی وزیر تجارت سید نوید قمر منڳل کوں جوہانسبرگ، جنوبی افریقہ اچ ترائے ݙینھ وار پاکستان دی ساریں توں وݙی پاک افریقہ ٹریڈ ڈویلپمنٹ کانفرنس اتے سنگل کنٹری نمائش دا آغاز کیتا۔16 جنوبی افریقی ترقیاتی ملکاں دے نمائندیں اتے تاجراں تجارتی کانفرنس اچ شرکت کیتی جݙاں جو 225 نمائش کنندگان تے 130 پاکستانی کمپنیاں کانفرنس اچ 20 وݙے شعبیں دی نمائندگی کیتی۔ ٹیکسپو توں خطاب کریندے ہوئیں وفاقی وزیر سید نوید قمر تجارت کوں ودھارا ݙیوݨ اچ ٹیکسپو دی اہمیت تے پاکستان تے افریقی ملکاں دیاں معیشتاں کوں متنوع بݨاوݨ دی صلاحیت تے روشنی پاتی ۔ انہاں آکھیے اے تقریب پاکستان اتے افریقی ملکاں وچال مضبوط تعلقات کوں ودھارا ݙیوݨ اچ اہم اے ۔ انہاں ایں یقین دا اظہار کیتے جو اے تقریب پاکستانی برآمد کنندگان کوں افریقی مارکیٹ اچ آپݨی مصنوعات اتے خدمات دی نمائش دا موقع ݙیسی جیڑھا جو ݙوہیں فریقاں کیتے فیدہ مند ثابت تھیسی ۔
