اسلام آباد۔14جنوری(اے پی پی)الیکشن کمیشن کراچی، حیدرآباد سودھا سندھ دے کڄھ ضلعیاں اچ بلدیاتی انتخابات شیڈول دے مطابق آݙت کوں کراوݨ دا فیصلہ کریندے صوبائی حکومت کوں حکم ݙتے جو او پرامن انتخابات کیتے فول پروف انتظامات کرن۔ اے فیصلہ الیکشن کمیشن دا اہم اجلاس جناب سکندر سلطان راجہ چیف الیکشن کمشنر دی صدارت اچ تھئے جئیں صوبائی حکومت دے بلدیاتی انتخابات بارے مراسلے تے غور کیتے اتے فیصلہ کیتے جو ݙوڄھے مرحلے دے بلدیاتی انتخابات آݙت 15 جنوری کوں ہی تھیسن۔
