اسلام آباد۔10فروری (اے پی پی) صدر مملکت ڈاکٹر عارف علوی ملک اچ دماغی تے نفسیاتی امراض کوں روکݨ اتے علاج کیتے سانجھی کوششاں کرݨ دی لوڑھ تے زور ݙیندیں ہوئیں آکھیا جو ذہنی صحت پاکستان اچ ساریاں توںو دھ نظرانداز تھیے شعبیاں اچوں ہک اے۔ آگاہی نہ ہووݨ پاروں نفسیاتی مریضاں دی اکثریت مناسب علاج توں محروم رہندی اے۔ ایں بارے معیاری نظام ٻݨاوݨ نال لوکاں کوں صحت دی مناسب سہولتاں ݙتی ونج سڳدن۔ اے ڳالھیں انہاں جمعے کوں ایوان صدر اچ دماغی صحت بارے ہک ورچوئل اجلاس دی صدارت کریندیں ہوئیں آکھی۔ برٹش ایشین ٹرسٹ دے چیف ایگزیکٹو رچرڈ ہاکس اتے برٹش پاکستانی سائیکاٹرسٹ ایسوسی ایشن دے چیئرمین ڈاکٹر شاہد لطیف ویڈیو لنک دے ذریعے اجلاس اچ شریک تھیے۔ کیئرٹیک چیریٹیبل فاؤنڈیشن، گلوبل انسٹی ٹیوٹ آف ہیومن ڈویلپمنٹ دے نمائندے اتے برٹش پاکستانی سائیکاٹرک ایسوسی ایشن دے اراکین اتے برطانیہ اچ رہݨ آلے پاکستانیاں ورچوئل اجلاس اچ شرکت کیتی۔
