اسلام آباد۔21نومبر(اے پی پی) د بهرنيو چا??و ??زير جليل عباس جېلاني وئيلي دي پاکستان تل د فلسطين مسئلې حل كولو له د دوه رياستي حل ملاتړ کړے دے٬ايوان صدر څخه د فلسطين په اړه جاري كړې شوي د صدر مملكت په بيان د خارجه وزارت لخوا سپيناوې شوې وو۔ د نهې په ورځ د سېنېټ په غونده كښې د صدر مملكت د فلسطين صدر سره د ټېلېفوني تماس څخه وروستو ايوان صدر څخه د جاري شوي بيان په اړه ?? سناتور ميا رضا رباني د اعتراض نكتې په ځواب كښې د بهرنيو چارو وزير جليل عباس جيلاني ووئيل چې ايوان صدر څخه د صدر مملكت چې كوم بيان جاري كړے شوے وو په هغې كښې خارجه وزارت څخه كومه رايې نه وه غوښتلې شوې۔ صدر مملكت د يو رياستي حل خبره په كوم تناظر كښې كړې وه د هغې مونږ ته معلوم ن?? دے ولې چې د پاكستان دريځ تل د دوه رياستي حل پاتے شوے دے چې بنياد يۍ د 1967 سرحد ٬ د ملګرو ملتونو قرارداد 242 او د او آئي سي قراردادونه دي۔ ده ووئيل كله چې د صدر مملكت بيان جاري شو نو مونږ هم وضاحت وكړو او هغه مونږ د او آئي سي سېكرټرېټ او د ملګرو ملتونو په شمول اړوندو ادارو ته ولېږلو او دا وضاحت نه يوازې ځايي رسنيو بلكې بهرنيو رسنيو هم په ډاګه كړو۔
