اسلام آباد۔14اپریل (اے پی پی):وزیر داخلہ شیخ رشید احمد آکھیے جو تحریک لبیک پاکستان تے پابندی لاوݨ دا فیصلہ کیتے ، ایں سلسلے اچ پنجاب حکومت دی سفارش تے کابینہ کوں سمری بھجوائی ویندی پئی اے ، قا??ون ہتھ اچ گھنݨ آلیں دے خلاف مقدمات درج تھیسن ،بند رستے بحال کرݙتن ، مغوی پولیس اہلکار بازیاب کرا ڳھدن، اساݙے دور اچ ناموس رسالت ﷺدے خلاف کوئی ڳالھ نی تھی سڳدی ، وزیراعظم عمران خان اقوام متحدہ دے پلیٹ فارم تے ناموس رسالتۖ د?? جھنڈا بلند کیتے۔ بدھ کوں اپݨی رہائش گاہ تے اہم پریس کانفرنس توں خطاب کریندے ہوئیں وزیر داخلہ آکھیے جواساں اتفاق رائے نال قومی اسمبلی اچ ایجھی قرارداد پیش کرݨ چاہندے ہاسے جیں توں پوری دنیا کوں اے پیغام ونڄے لیکن تحریک لبیک دے رہنماواں ریاستی م??ام??ات کوں ملحوظ خاطر نی رکھیا اتے ایجھا مسودہ چاہندے ہن جیں توں دنیا کوں پاکستان دے انتہاء پسند مملکت تھیوݨ دا تاثر ونڄے ، پنجاب حکومت دی سفارش تے انسداد دہشت گردی ایکٹ 1997ء دے تحت تحریک لبیک پاکستان تے پابندی لاوݨ دا فیصلہ کیتے اتے سمری کابینہ کوں بھجوا ئی ویندی پئی اے ۔ انہاں آکیے جو میں خود ناموس رسالتۖ اتے ختم نبوت ﷺدا سپاہی ہاں اتے میݙے توں ودھ کہیں ایں مشن کیتے جیل نی کٹی، وزیراعظم عمران خان اقوام متحدہ اچ ناموس رسالتۖ د?? جھنڈا بلند کیتے، وزارتاں دی کوئی حیثیت نی تھیندی لیکن جیں طرح گزریل ݙینھ ایمبولینساں کوں روکیا ڳیا اتے مریض تڑپتے رہیے اتے کووڈ دی صورتحال اچ آکسیجن گاݙیاں کوں وی نی ونڄݨ ݙتا ڳیا ، اے صورتحال ناقابل قبول ہے۔ وزیر داخلہ آکھیے جو میں یاد کراوݨ چاہنداں جو میں ہی اوہو رکن قومی اسمبلی ہم جیں (ن) لیگ دے دور اچ جݙاں ختم نبوت ﷺقانون اچ ترمیم پیش کیت?? ڳئی تاں اینکوں واپس گھنݨ کیتے آواز چاتی ، مولانا فضل الرحمن دی پارٹی وی ختم نبوت ﷺدے قا??ون اچ ترمیم کیتے ووٹ ݙتا ہئی ۔ انہاں آکھیے جو اساݙے دور اچ ختم نبوت اتے ناموس رسالتۖ دے خلاف کوئی ڳالھ نی تھی سڳدی ۔ وزیر داخلہ ݙسایا جو جی ٹی روڈ اتے موٹروے سودھے سارے رستے بحال کرݙتے ڳئن ،تحریک لبیک دے حملیں اچ ݙو پولیس اہلکار شہید اتے 340 زخمی ??ھئ?? ، انہاں پولیس دیاں قربانیاں کوں خراج عقیدت پیش کیتے آکھیے جو پولیس، قا??ون نافذ کرݨ آلے اداریں اتے عسکری و انٹیلی جنس اداریں زبردست کم کیتے ۔
