بیجنگ ۔12دسمبر (اے پی پی) نگران وفاقی وزیر برائے تجارت ڈاکٹر گوہر اعجاز آکھیا جو چینی تاجر تے سرمایہ کار پاکستان دی کاروبار دوست پالیسیاں توں فیدہ چیندیں ہوئیں ٹیکسٹائل، خوراک، زراعت، لائیو سٹاک،ٹیکنالوجی،انفراسڑکچر اتے توانائی سویں شعبیاں اچ سرمایہ کاری کرن۔ اے ڳالھیں انہاں چین دے دارالحکومت بیجنگ دے ہک ہوٹل دے بزنس نیٹ ورکنگ ڈنر اچ چین دے تاجراں اتے سرمایہ کاراں نال خطاب کریندیں ہوئین آکھی۔ ایں موقع تے پاکستان دی 20 اعلیٰ کاروباری شخصیات اتے 150 توں ودھ چینی کاروباری اداریاں دے نمائندے موجود ہن۔ وزیر تجارت چینی بزنس لیڈرشپ کوں پاکستان دی سرمایہ کار دوست پالیسیاں بارے ݙسیندیں ہوئیں انہاں کوں ملک اچ ٹیکسٹائل، خوراک، زراعت، لائیو سٹاک، ٹیکنالوجی، انفراسٹرکچر اتے توانائی سویں شعبیاں اچ سرمایہ کاری دی دعوت ݙتی۔ آپݨے استقبالیہ کلمات اچ چین اچ پاکستان دے سفیر خلیل ہاشمی نیٹ ورکنگ ڈنر اچ چینی کاروباریاں دی وݙی تعداد اچ شرکت تے شکریہ ادا کیتا۔
