اسلام آباد– 30 – آگسٽ (اي پي پي) پرڏيهي وزير بلاول ڀٽو زرداري ٻوڏ متاثرين جي امداد ۽ بحالي جي لاءِ هڪ ڪلاڪ ۾ گڏيل قومن جي ميمبر ملڪن کان اٽڪل هڪ کرب 30 ڪروڙ روپيا جمع ڪري ورتا. آمريڪا پرڏيهي وزير بلاول ڀٽو زرداري جي اپيل کانپوءِ پاڪستان کي ساڍا 6 ارب رپين جي امداد ڏني آهي. پرڏيهي وزير جي اپيل تي ورلڊ بئنڪ، ايشين ڊيولپمينٽ بئنڪ، صحت جي عالمي اداري، يونيسيف، هلال احمر، ريڊ ڪراس سميت گڏيل قومن جي ميمبر ملڪن مثبت ردعمل ڏنو آهي. ان کانسواءِ فوري طور تي چين، ترڪيه، آمريڪا، برطانيا، آذربائيجان، سعودي عرب، قطر، ڪويت، گڏيل عرب امارات ۽ ٻين ملڪن فوري امداد جو اعلان ڪيو آهي. پرڏيهي وزير جي اپيل تي گڏيل قومن جي ميمبر ملڪن پاران روڪ امداد کانسواءِ تنبُو، دوائن، کاڌي پيتي جي شين سميت ٻئي اهم امدادي سامان جي پڻ امداد فراهم ڪئي وئي آهي. پرڏيهي وزير بلاول ڀٽو زرداري جي اپيل تي گڏيل قومن جي ميمبر ملڪن سميت مختلف عالمي ادارن پاران پاڪستان جي امداد جو سلسلو جاري آهي.
