اسلام آباد – 02 – نومبر (اي پي پي) صدر ڊاڪٽر عارف علوي ملڪ جي تيز رفتار ترقي ۾ نوجوانن جي اهم ڪردار تي زور ڏيندي چيو آهي ته ملڪ کي ان مرحلي ۾ تيز رفتار ترقي جي ضرورت آهي. هو ڪامسيٽس يونيورسٽي جي 26 هين ڪانووڪيشن کي خطاب ڪري رهيو هو. صدر اڪٽر عارف علوي چيو ته جيڪڏهن شاگرد پنهنجي پيشيواراڻي زندگي ۾ معاشري جي اندر انصاف کي يقيني بڻائين، ملڪ جي ترقي ۾ اهم حصو وجهن ۽ پنهنجا وسيلا غريبن سان ونڊڻ سکن ته ملڪ ترقي ۽ خوشحالي جي نئين بلندين تائين پهچي ويندو. هن چيو ته اڄ مصنوعي ذهانت يا ڪمپيوٽر سائنس هر پيشي جو ٻيو مرحلو آهي. دنيا تمام تيزي سان ترقي ڪري رهي آهي ان لاءِ اسان کي دنيا وانگر انهي رفتار سان هلڻ گهرجي. ٻي صورت ۾ ملڪ خطي ۽ دنيا کان تمام گهڻو پٺتي رهجي ويندو. دنيا تيزي سان ترقي ڪري رهي آهي جڏهن ته خطي ۾ پاڪستان جي ترقي جي رفتار سراسري گهٽ آهي. هن چيو ته انٽرميڊيئٽ جي ڪل شاگردن مان 9 سيڪڙو اعليٰ تعليم ۾ داخلا وٺڻ ۾ ڪامياب ٿين ٿا جڏهن ته خطي ۾ اها شرح 25 سيڪڙو کان وڌيڪ آهي. هن چيو ته يونيورسٽين کي ملڪ ۾ تيزي سان ترقي جي لاءِ شاگردن جي داخلا ۾ اضافو ڪرڻ گهرجي. وقت سر فيصلو نه ڪرڻ سست ترقي جو هڪ وڏو سبب آهي. هن چيو ته مثال طور اسان وٽ ويزن جي کوٽ هئي، اسان وقت کان اڳ بجلي جي ضرورت جو اندازو نه لڳائي سگهندا هئاسين ۽ جڏهن وقت آيو ته اسان اهڙا پاور پلانٽس لڳائڻ جو هنگامي فيصلو ڪيو جن جي لاڳت تمام وڌيڪ آهي. هن چيو ته پاڙيسري ملڪ ڀارت 2012ع ۾ ڊيٽا پاليسي جو اعلان ڪيو هو جڏهن ته پاڪستان هڪ ڏهاڪي کانپوءِ 2022ع ۾ ان جو اعلان ڪيو ۽ ان ۾ منهنجي ذاتي ڪوشش شامل هئي. تقريب دوران صدر يونيورسٽي جي مختلف شعبن ۾ ٽاپ پوزيشن هولڊرز ۾ ميڊلز ۽ ڪامياب شاگردن کي ڊگريون ڏنيون. صدر ڊاڪٽر عارف علوي چيو ته حضور نبي اڪرم ﷺ سدائين علم حاصل، سٺي تربيت ۽ انسانيت سان محبت جو درس ڏنو. هن ڪامياب اميدوارن کي ڊگريون حاصل ڪرڻ تي مبارڪباد ڏيندي چيو ته اهي هاڻي ملڪ جا اشرافيه بڻجي چڪا آهن چو ته ملڪ ۾ اٽڪل 28 ملين 40 سيڪڙو ٻار اڃا تائين اسڪولن کان ٻاهر آهن. ملڪ ۾ سمورن اسڪول نه ويندڙ ٻارن لاءِ اٽڪل 55000 اسڪولن جي عمارتن جي ضرورت آهي جيڪو انتهائي مشڪل هو. هنگامي بنيادن تي ڪجهه آئوٽ آف دي باڪس حل گهربل آهن ڇو ته اهي اڻپڙهيل ٻار بعد ۾ ملڪي معيشت تي تمام وڏو بار بڻجي ويندا جيڪي ملڪ جي لاءِ ڪو نتيجاخيز حصو نه وجهي سگهندا. ان ڏس ۾ صدر شاگردن کي مشورو ڏنو ته اهي پنهنجي ڊگرين کي مڪمل طور تي استعمال ڪن ۽ ملڪ جي ترقي جي لاءِ ڪم ڪن. هن چيو ته عام طور تي جيئن ئي ڇوڪرين جي شادي ٿئي ٿي اهي ڪم جي جڳهه تي هراسان ڪرڻ جي خوف سميت ڪيترن ئي سببن جي ڪري پنهنجي پيشيواراڻي زندگي ڇڏي ڏين ٿيون. عورتن کي هراسان ڪرڻ کي روڪڻ رياست جي ذميواري آهي. هن تعليم کاتي سميت ٻين ادارن کي هدايت ڪئي ته جيڪڏهن عورتن جي سروس ۽ تعليم ۾ گيپ هجي ته ڊيوٽي جوائن ڪرڻ تي انهن جي آجيان ڪئي وڃي. صدر چيو ته هن ملڪ جي سڀ کان خوبصورت ثقافت گڏيل خانداني نظام آهي جيڪو معاشري ۾ محبت جي علامت آهي. ٻاهرئين ملڪ رهندڙ پاڪستانين کي رڳو هڪ شيءَ جي گهٽتائي محسوس ٿئي ٿي اها پنهنجي وطن جي محبت ۽ خانداني ثقافت آهي.
.jpg)
