اسلام آباد۔12مئی(اے پی پی) وفاقی وزیر اطلاعات و نشریات مریم اورنگزیب آکھیے عمران خان ہمیشہ عدلیہ دی توہین کیتی، کݙاہیں قانون دی پاسداری نی کیتی ، او سمجھدے کوئی اینکوں پچھ وی نی سڳدا ، عمران خان دی گرفتاری قانون دے مطابق ہئی، انہاں نال عام شہری جیہا سلوک تھیوݨا چاہیدے ۔ ”سکائی نیوز“ کوں آپݨے خصوصی انٹرویو اچ وفاقی وزیر اطلاعات آکھیے عمران خان تے کرپشن دے الزامات ہن، انہاں دی گرفتاری نال حکومت دا کوئی تعلق کائنی ، اے گرفتاری نیب کیتی تے قانون دے مطابق کیتی ہئی ۔ ھک سوال تے وفاقی وزیر اطلاعات آکھیے اساں سیاسی انتقام تے یقین نی رکھیندے ، عمران خان کوں گرفتار یا خاموش کرݨا ہوندا تاں اساں 14 مہینے انتظار نہ کریندے ۔ عمران خان دی نااہلی متعلق سوال دے جواب اچ وفاقی وزیر اطلاعات آکھیے اساں عمران خان کوں نااہل کیوں کراوݨ چاہسوں ؟ کوئی وی جمہوری حکومت ایویں کیوں کریسی ؟ البتہ عمران خان اپݨے دور اچ سیاسی رہنماواں کوں گرفتار کیتے ، جیلاں اچ پاتے تے انہاں دی آواز بند کرݨ دی کوشش کیتی ۔ ھک سوال تے وفاقی وزیر اطلاعات آکھیے عدالتی حکم جاری تھیوݨ دے بعد اے انہاں دا آئینی حق اے جو او ایں آرڈر دا جائزہ گھنن یا ایں تے ڳالھ کرن ۔ ھک ٻئے سوال تے وفاقی وزیر اطلاعات آکھیے گزریل ترائے ݙینھ اچ کوئی کوئی پرامن شہری سڑکاں تے کائناں ہئی ، صرف مسلح جتھے اتے دہشت گرد موجود ہن جنہاں ریاستی تے عوامی املاک کوں ضیان پڄائے ۔
