اسلام آباد۔14نومبر(اے پی پی) صدر مملکت ڈاکٹر عارف علوی معیاری اتے سستی معاون ٹیکنالوجی اتے مصنوعی اعضاء دی پاکستان اچ تیاری سانڳے اقدامات دی لوڑھ تے زور ݙیندے ہوئیں آکھیے جو خصوصی لوکاں دی بحالی تے انہاں کوں معاشرے دا فعال رکݨ بݨاوݨ کیتے پالیسی سطح سودھے عملی اقدامات گھنݨے ہوسن ۔ صدر مملکت اے ڳالھ چل فائونڈیشن دے چیئرمین فیروز احمد دی قیادت اچ وفد نال ملاقات اچ ڳالھ مہاڑ کریندے ہوئیں آکھی اے جیں منڳل کوں اتھاں ایوان صدر اچ انہاں دے نال ملاقات کیتی ۔ ایوان صدر دے پریس ونگ توں جاری بیان موجب صدر مملکت آکھیے خصوصی لوکاں کوں معیشت اتے معاشرے دے مرکزی دھارے اچ رلاوݨ پاکستان دی ترقی کیتے ناگزیر اے۔ ڈاکٹر عارف علوی آکھیے معاون ٹیکنالوجی اتے مصنوعی اعضاء پاروں خصوصی لوکاں دی مخصوص ضرورتاں کوں پورا کیتا ونڄ سڳدے
