اسلام آباد۔18جنوری (اے پی پی) نگران وفاقی وزیر برائے خزانہ،محصولات تے اقتصادی امور ڈاکٹر شمشاد اختر آکھیا جو ڈیجیٹل ادائیگیاں نال مالی معاملے ویلھے تے اتے سوکھے پورے کرݨ دی سہولت میسر آئن، ملک کوں ڈیجیٹل خطوط تے استوار کرݨ چاہندوں۔ اے ڳالھیں انہاں خمیس کوں ’’پاکستان ڈیجیٹل سٹیک‘‘ ورکشاپ توں خطاب کریندیں ہوئیں آکھی۔ وزیرخزانہ آکھیا جو بل اینڈ میلنڈا گیٹس فاؤنڈیشن اتے کارنداز دے پاکستان اچ ڈیجیٹل سٹیک دی تخلیق اتےعمل درآمد بارے اقدامات قابل ستائش ہن اتے ایں ملک اچ ڈیجیٹل مالی خدمات ݙیوݨ اچ مدد ملسی۔ انہاں آکھیا جو گیٹس فاؤنڈیشن اتے کارنداز ولوں ڈیجیٹل سٹیک دی تخلیق ڈیجیٹلائزیشن دی حکومتی پالیسی بارے موافق اے۔ حکومت ایں بارے کم کریندی پئی اے۔ وزیرخزانہ آکھیا جو اساں پاکستان اچ مالی شمولیت، صنفی خودمختاری، غربت اچ ڳھٹکی اتے گورننس اچ شفافیت ڳھن آوݨ تے عہد تے کم کریندے پیوں ۔ متحدہ عرب امارات، ایستونیا اتے سنگاپور اچ ڈیجیٹل سٹیک دے توسط نال گورننس دے نظام اچ بہتری آئی اتے اساݙی کوشش اے جو پاکستان اچ وی ایں بارے پیشرفت کیتی ونڄے۔
