اسلام آباد۔27ستمبر (اے پی پی)سابق وفاقی وزیر سینیٹر اسحق ڈار آکھیے جو روپے دی قدر اچ مصنوعی طور تے کمی کیتی گئی اے، پاکستان دی معیشت ان شاء اللہ بحال کریسوں، سیاسی استحکام نال ٹھوس پالیسیاں دی لوڑھ پوسی۔ اے ڳالھ انہاں بطور سینیٹر حلف چاوݨ دے بعد میڈیا نال الیندے انہاں آکھیا جو ڈالر دی اجارہ داری مکاوݨ کیتے ملکی معیشت کوں تکرا کرݨ ضروری اے، ن لیگ دی قیادت اوکھے ویلھے اچ پاکستان دی اڳواݨی سنٻھالی اے، شہباز شریف دی ݙینھ رات دی کوشش نال معیشت تکڑی تھیوݨ لڳی اے۔ انہاں آکھیا جو ڈالر دی قیمت اچ 10 روپے ڳھٹی اے، اساں رل تے پاکستان دی معاشی صورتحال تکڑی کرݨ دی کوشش کریسوں۔ انہاں آکھیا جو عمران خان اپݨے دور اچ ملک نال او سلوک کیتے جیڑھا غیر کریندن، معیشت کوں تباہ برباد کیتے، اساں ملک دی معیشت کوں سنٻھلیندے پئے ہیں۔
.jpg)
