اسلام آباد۔22جنوری (اے پی پی):محکمہ موسمیات موجب آندے چووی گھنٹے اچ ملک دے ٻہوں سارے میدانی علاقیں اچ موسم ٹھڈا تے رکھا رہسی تاں جو اتلے خیبر پختونخواہ ،کشمیراتے گلگت بلتستان اچ کجھ جہیں تے ہلکا مینھ وسݨ تے پہاڑاں تے ہلکی برفباری متوقع اے۔رپورٹ موجب 24 گھنٹے اچ خیبرپختونخوا، کشمیر،گلگت بلتستان اتے مری اچ کہیں کہیں جاہ تے مینھ وٹھا پہاڑاں تے برفباری تھئی تے ملک دے ٻئے علاقیں اچ موسم ٹھدا رہیا ۔ ایں دوران ساریں توں ودھ مینھ مالم جبہ اچ 22، دیر11 ، پاراچنار15، بونیر 12، سیدو شریف8، بالاکوٹ 7، پٹن15، کاکول،میر کھانی 12، کالام 4 ،پشاور، دروش ھک ، مظفرآباد 24 ، گڑھی دوپٹہ 19 ، راولاکوٹ 6، کوٹلی 4، مری 5 ،چلاس تے گو پس اچ 2 ملی میٹرریکارڈ کیتی ڳئی ۔ گزریل چووی گھنٹٖ اچ مالم جبہ اچ 10، پاراچنار 3.5، راولاکوٹ 3، مری 2.5، کالام 1.5،گوپس، دیایک اتے استوراچ ہلکی برفباری وی ریکارڈکیتی ڳئی ۔ اتوار کوں ریکارڈ کیتے ڳئے گھٹ درجہ حرارت دی رپورٹ موجب لہہ اچ درجہ حرارت منفی 13،زیارت منفی 11، قلات ،گوپس منفی 8، استور، کالام منفی 7، ہنزہ منفی 6، مالم جبہ ،اسکردو منفی 5، بگروٹ ،مری ،کوئٹہ ،ژوب منفی 4، دالبندین تے پاراچناراچ منفی 3ڈگری سینٹی گریڈ ریکارڈ کیتا ڳئے ۔
