اسلام آباد۔17جولائی (اے پی پی) بنگلہ دیش اچ جاری مظاہریاں پاروں ڈھاکہ اچ پاکستانی ہائی کمیشن دا بنگلہ دیش اچ پاکستانی طلبا کوں آپݨی حفاظت کیتے احتیاط کرݨ اتے احتجاج توں پرَے رہݨ دا مشورہ ݙتے۔ بدھ کوں دفتر خارجہ توں جاری بیان اچ آکھیا ڳئیا جو پاکستانی ہائی کمیشن طلباء کوں آپݨی حفاظت کیتے احتیاط کرݨ دا مشورہ ݙتے اتے انہاں کوں آپݨے کیمپس اتے ہاسٹل دے کمریاں اچ رہݨ دا مشورہ ݙتے جڈانجو نائب وزیر اعظم اتے وزیر خارجہ اسحاق ڈار پاکستانی سفیر نال ٹیلی فونک رابطہ کیتے۔ نائب وزیراعظم اتے وزیر خارجہ محمد اسحاق ڈار بنگلہ دیش اچ پاکستانیاں دی خیریت پچھݨ کیتے بنگلہ دیش اچ پاکستانی ہائی کمشنر سفیر سید معروف نال ڳالھ کیتی۔
