اسلام آباد۔6جنوری (اے پی پی) وزیراعظم محمد شہباز شریف آکھیا جو شہید اعتزاز حسن بے مثال بہادری دا مظاہرہ کرتے آپݨے سکول اتے ہم جماعتاں کوں دہشت گرد حملے توں بچا تے آپݨی جان قربان کیتی، اعتزاز دی میراث آوݨ آلی نسلاں کیتے سوجھلا اے۔ سنوار کوں پی ایم میڈٰیا آفس توں جاری بیان موجب وزیراعظم شہید اعتزاز دی برسی دے موقع تے آکھیا جو اڄ اساں خیبرپختونخوا دے ضلع ہنگو توں تعلق رکھݨ آلے پاک مٹی دے فرزند شہید اعتزاز حسن دی شہادت کوں یاد کر تے ݙکھی ہیسے جئیں دی جرات اساݙے کیتے امید دی کرن اے۔ وزیراعظم آکھیا جو صرف 15 سال دی عمر اچ اعتزاز بے مثال بہادری دا مظاہرہ کیتے اتے آپݨے سکول اتے ہم جماعتاں کوں دہشت گرد حملے توں بچیندیں ہوئیں آپݨی جان قربان کیتی۔
