اسلام آباد۔27جنوری(اے پی پی) وزیر اعظم محمد شہباز شریف آکھیا جو چترال اچ لوڈ شیڈنگ ڳھٹ کرݨ کیتے فوری اقدامات کیتے ونڄن، چترال دی عوام کوں ٻے اندھارے اچ نی رکھ سڳدے۔ وزیراعظم آفس دے میڈیا سیل توں جاری بیان موجب وزیرِ اعظم محمد شہباز شریف دی صدارت اچ چترال اچ بجلی اتے انفراسٹرکچر دے مسئلیاں دے حل بارے اعلیٰ سطح دا اجلاس تھیا۔ اجلاس اچ وزیرِ پاور خرم دستگیر خان، چیئرمین واپڈا لیفٹینیٹ جنرل (ر) سجاد غنی، سیکرٹری پاور اتے متعلقہ اعلی حکام شریک تھیے۔ ایندے علاوہ چترال توں نوید الرحمن، شہزادہ افتخار الدین، عبدالولی خان، نیاز احمد، شوکت مُلک، محمد وسیم، حاجی غفار خان، اسفند یار خان، منیر احمد، منظور احمد، عمران الملک، محب الرحمن، سلامت خان، جاوید وزیر، طارق نصیر، محمد اعظم خان، ظفر حیات، مولانا عبدالرحمن، انعام اللہ، رحمت ولی شاہ اتے خواجہ امان اللہ شامل ہن۔ ملاقاتا چ شرکاء وزیراعظم کوں چترال اچ لوڈ شیڈنگ اتے انفراسٹرکچر دے مسئلیاں بارے ݙسیا۔ شرکاء وزیراعظم داچھل اچ چترال دے متاثرین دی مدد اتے بحالی اچ دلچسپی تے وی شکریہ ادا کیتا۔ وزیراعظم چترال دے سارے مسئلیاں دے حل کیتے متعلقہ حکام کوں فوری ہدایت ݙتی۔
