اسلام آباد۔12جون (اے پی پی) وفاقی حکومت سرکاری شعبہ دے ترقیاتی پروگرام (پی ایس ڈی پی ) دے تحت آندے مالی سال 25۔2024 ء اچ ریلوے ڈویژن دے 25 جاری منصوبیاں کیتے 40386 ملین روپے ،12 نویں منصوبیاں کیتے 4614 ملین روپے رکھیے ڳئن۔ بدھ کوں جاری پی ایس ڈی پی موجب ریلوے ڈویژن 25 جاری منصوبیاں کیتے 40386 ملین روپے جڈانجو 12 نویں منصوبیاں کیتے 4614 ملین روپے رکھیے ڳئن۔ بدھ کوں جاری پی ایس ڈی پی موجب ریلوے ڈویژن دے جارے منصوبے چائنہ۔پاکستان اکنامک کوریڈور پراجیکٹ کیتے 50 ملین روپے، ریلوے دا ملک دی مختلف جامعات نال رابطے ودھاوݨ دے منصوبہ کیتے 25 ملین روپے، چمن بارڈر توں افغان بارڈر تئیں نویں ٹریک ٻݨاوݨ اتے اپ گریڈیشن دے منصوبے کیتے 975 ملین روپے۔ پاکستان ریلوے اچ بزنس ڈویلپمنٹ ایچ آر سپورٹ یونٹ ٻݨاوݨ کیتے 30 ملین روپے، وزارت ریلوے دے تحت مینجمنٹ یونٹ (پی ایم یو) دے منصوبہ کیتے 300 ملین روپے، کراچی اچ ٹرمینلز دی سکیورٹیز دی صورتحال دی بہتری دے منصوبہ کیتے 250 ملین روپے، ریلوے سٹیشنز تے سولر سسٹم لاوݨ دے منصوبے کیتے 50 ملین روپے، چائنہ۔ پاکستان اکنامک کوریڈور دے تحت ایم ایل ون دی اپ گریڈیشن دے منصوبہ کیتے 20 ملین روپے، 820 ہائی کیپسٹی بوگیاں اتے 230 مسافر کوچز ڳھنݨ دے منصوبہ کیتے 11157 ملین روپے، پشاور ڈویژن اچ ٹریک دی اپ گریڈیشن کیتے 10 ملین روپے، سمہ سٹہ ٹریک دی بحالی کیتے 115 ملین روپے، راولپنڈی ڈویژن اچ ملٹی پرپز ٹریننگ ہالز دی تزئین و آرائش کیتے 101 ملین روپے، انجناں دی مرمت اتے بہتری دے منصوبہ کیتے 600 ملین روپے، مانیٹرنگ دے نظام دے منصوبہ کیتے 50 ملین روپے، امیجیٹ ٹریکس سیفٹی ورکس دے منصوبہ کیتے 2660 ملین روپے، تھرکول توں پورٹ قاسم تئیں دے اجوکے ریلوے ٹریک دے رابطہ کیتے 16000 ملین روپے رکھیے ڳئن۔ ملتان اچ شیرشاہ ۔کندیاں ٹریک سیفٹی ورکس کیتے 200 ملین روپے، سکھر ڈویژن دے ٹریک سیفٹی ورکس روہڑی توں سبی تئیں کیتے 200 ملین روپے رکھیے ڳئن۔
