اسلام آباد۔2اگست(اے پی پی) صدر مملکت آصف علی زرداری ٹانک اچ ججاں دے قافلے تے فائرنگ دی مذمت کریندے فائرنگ اچ سکیورٹی اہلکاراں دی شہادت تے ݙکھ تے افسوس کیتے ۔ ایوان صدر دے پریس ونگ توں جاری بیان موجب صدر مملکت شہید اہلکاراں دے وارثاں نال اظہار تعزیت اتے انہاں دے صبر دی دعا کیتی ۔ صدر مملکت آکھیے پاکستان توں دہشتگردی دے منڈھوں خاتمے سانڳے پرعزم ہن۔ انہاں حملے اچ جاں بحق سکیورٹی اہلکاراں سانڳے اُچے درجات دی دعا وی منگی
