راولپنڈی ۔14مارچ(اے پی پی)پاک فوج دے سربراہ جنرل سید عاصم منیر دہشت گردی دی لعنت مکمل مکاوݨ تئیں دہشتگردی نال لڑݨ دا عزم دوہریندے آکھیے جو شہدا دی قربانیاں نا ونڄیسن، پاکستان اچ امن ول آسی۔ آئی ایس پی آر آکھیے جو پاک فوج دے سربراہ جنرل سید عاصم منیر پاک افغان سرحد تے شمالی وزیرستان اچ اگلے مورچیاں دا دورہ کیتے اتے وجاناں نال ملین۔ انہاں وانا اچ یادگار شہدا تے حاضری ݙتی، پھلاں دی چادر چڑھائی اتے فارمیشن ہیڈکوارٹر دا وی دورہ کیتے جتھاں انہاں کوں آپریشنل تیاریاں، تربیت اتے سکیورٹی امور خاص کر نویں ضم اضلاع دی ترقی تے بریفنگ ݙتی۔ آرمی چیف فارمیشن دی سماجی، اقتصادی ترقی کیتے سازگار ماحول ݙیوݨ کیتے انسداد دہشت گردی کوششاں دی تعریف کیتی۔ انہاں مختلف ریاستی اداراں وچال ہم آہنگی دی اہمیت اتے خاص کر دہشت گردی دے خلاف اجتماعی جنگ اچ پاکستانی عوام دی اہمیت کوں اڳونہا کیتا۔
