اسلام آباد۔28اگست (اے پی پی):وزیراعظم عمران خان سکول کرکٹ کیتے بالخصوص اتے ڈومیسٹک کرکٹ کیتے بالعموم فریم ورک دی منظوری ݙیندے ہوئیں آکھیے جو سکول کرکٹ ملک اچ کرکٹ دے حقیقی ٹیلینٹ کوں ابھارݨ تے سامݨے گھن آوݨ دے ٻہوں ساری استعداد رکھیندے۔وزیراعظم آفس دی طرفوں جاری بیان موجب وزیراعظم عمران خان کوں ہفتے کوں اتھاں پاکستان اچ ڈومیسٹک بالخصوص سکول کرکٹ بارے پریزینٹیشن ݙتی ڳئی۔ پریزینٹیشن سینٹرل پنجاب کرکٹ ایسوسی ایشن دے چئیرمین عبداللہ خان سمبال تیارکیتی ہئی ۔ وزیراعظم پاکستان کرکٹ بورڈ دے تحت چلݨ آلی تنظیم سینٹرل پنجاب کرکٹ ایسوسی ایشن (سی پی سی اے ) دے ماڈل دی تعریف کیتی۔ وزیراعظم سکول کرکٹ کیتے بالخصوص اتے ڈومیسٹک کرکٹ کیتے بالعموم فریم ورک دی منظوری ݙتی تے سی پی سی اے کوں ایں ماڈل دے ریپلیکاکوں پورے ملک اچ پورے طور تے نافذ کرݨ دی رائے ݙتی ۔ وزیراعظم 15 ستمبرتوں وسطی پنجاب اچ سکول کرکٹ چیمپئین شپ دے آغاز کیتے مکمل تعاون دا یقین ݙیوائے تے آکھیے جو سکول کرکٹ ملک اچ کرکٹ دے حقیقی ٹیلینٹ ابھارݨ تے سامݨے گھن آوݨ دے وسیع تراستعداد دا حامل اے
