اسلام آباد۔21ستمبر(اے پی پی):وفاقی وزیر اطلاعات و نشریات چوہدری فواد حسین آکھیے جو الیکشن توں پہلے انتخابی اصلاحات کرݨیاں وہسن، اپوزیشن قومی دی بڄائے ذاتی مفادات اڳونہے رکھین، ساکوں’’ایبسلیوٹلی ناٹ ‘‘ دی قیمت تاں چکاوݨی ہوسی، قوم کہیں وی چیلنج نال نبݨݨ کیتے تیار اے۔ کابینہ اجلاس توں بعد میڈیا بریفنگ اچ انہاں آکھیا جو ای وی ایم تے او لوک الیندن ڄیکوں ایں ٹیکنالوجی ککھ وی پتا کائنی، اتنخابی اصلاحات تے مل ٻاھوݨ دی اپوزیشن کوں کتنی واری دعوت ݙتی اے بھل انہاں دی قیادت کوں ہکا ڳالھ آندی اے جو ساݙے کیسز دا کڄھ کرو تاں نال تھیسوں، انہاں دی سیاست صرف اپݨا مال بچاوݨ کیتے ہے۔ انہاں آکھیا جو کابینہ اچ ستویں مردم شماری جدید ٹیکنالوجی نال کراوݨ دے منظوری تے ڳالھ تھیندی پئی اے ڄیڑھی 18 مہینے اچ مکمل کیتی ویسی، ایندے کیتے ہک کمیٹی وی ٻݨائی اے، کیوں جو آندا الیکشن نویں مردم شماری اتے نویاں حلقہ بندیاں تے تھیسی جیندے نال ویلھے توں پہلے انتخابات چاہݨ آلیاں کوں مایوسی تھیسی، انتخابی اصلاحات وی الیکشن توں پہلے کرݨیاں ہوسن۔ انہاں آکھیا جو کرکٹ سیریز منسوخ تھیوݨ نال ساݙا وݙا نقصان تھئے، ڄݙاں اساں “ایبسولوٹلی ناٹ ” آکھسوں تاں ایندے ٻھوڳ ٻھوڳݨے پوسن، بھل قوم کہیں وی چیلنج دے مقابلے کیتے تیار اے۔
