مری۔23جون(اے پی پی):وزیراعظم شہباز شریف مری ایکسپریس وے دی مرمت، ہر 15 کلومیٹر تے بہترین معیاری ریسٹ ایریاز ٻݨاوݨ، غیر قانونی تعمیرات روکݨ، نیو مری کیبل کار اتے چیئر لفٹ کوں اپ گریݙ کرݨ کیتے انٹرنیشنل بڈنگ سودھا تعمیراتی منصوبیاں نال مری دا سوہݨپ برقرار رکھݨ دی ہدایت کیتی اے۔ او مری دے دورے ویلھے جائزہ اجلاس دی اڳواݨی کریندے پئے ہن۔ انہاں ہدایت کیتی جو منصوبیاں دی تکمیل سانڳے معیار، شفافیت ٻݨیدے ہوئے سیاحواں کوں ودھ سہولتاں ݙتیاں ونڄن۔ انہاں مری کیتے پاݨی دی لوڑھ پوری کرݨ دا منصوبہ مکمل کرݨ دی دہایت کیتی۔ اجلاس اچ وزیر مواصلات مولانا اسعد محمود، وفاقی وزیر اطلاعات و نشریات مریم اورنگزیب اتے سابق وزیراعظم شاہد خاقان عباسی وی موجود ہن۔
