اسلام آباد۔25جون (اے پی پی):وفاقی وزیر برائے ماحولیاتی تبدیلی سینیٹر شیری رحمن آکھیے جو پری مون سون بارشاں نال گرمی دی لھر ڳھٹݨ اچ مدد ملسی، اپݨے ٹویٹس اچ انہاں اکھیا جو محکمہ موسمیات موجب اڄ توں 30 جون تئیں پورے ملک اچ پری مون سون شروع اے جیندے نال شدید گرمی ڳھٹسی، 25 توں 30 جون تئیں اسلام آباد اتے راولپنڈی سودھا پنجاب دے مختلف شہراں، کشمیر، گلگت بلتستان اتے خیبر پختون خواہ اچ تیز ہوائیں ڳھلسن، کھمݨ ڳاڄ اتے واچھڑ آلے مینہ دا امکان اے، ایں سسٹم پاروں بلوچستان، جنوبی پنجاب اتے سندھ دے مختلف شہراں اچ 26 جون توں 29 جون تئیں آندھاری، کھمݨ اتے ڳاڄ دے نال واچھڑ دا امکان اے۔ انہاں امکان ظاہر کیتے جو ودھ بارشاں پاروں اربن فلڈنگ اتے پہاڑی علاقیاں اچ چھل دا خطرہ تھی سڳدے، سارے متعلقہ اتے مقامی ادارے تیار راہون اتے سیاحواں کوں محتاط رہݨ دا آکھیا ڳئے۔
