اسلام آباد۔9اگست (اے پی پی) وفاقی وزیر اطلاعات، نشریات، قومی ورثہ تے ثقافت عطاء اللہ تارڑ جیولین تھرور ارشد ندیم کوں پیرس اولمپکس اچ گولڈ میڈل جتݨ تے مبارخ ݙیندیں ہوئیں آکھیا جو ارشد ندیم آپݨی محنت، لگن اتے صلاحیت نال ثابت کر ݙتے جو پاکستانی کھݙاری کہیں توں ڳھٹ کائنی۔ جمعے کوں آپݨے بیان اچ وفاقی وزیر اطلاعات آکھیا جو پیرس اولمپکس اچ گولڈ میڈل جت تے ارشد ندیم تاریخ رقم کر ݙتی اے۔ انہاں دی جت ہر پاکستانی نینگر کیتے مشعل راہ اے۔ انہاں آکھیا جو ارشد ندیم دی جت پوری قوم دی جت اے، تساں کوں میݙے ولوں لکھاں مبارخاں۔
