اسلام آباد – 27 مئي (اي پي پي) مواصلات واري وفاقي وزير مراد سعيد چيو آهي ته پاڪستان جي آئين تحت حلف کڻندڙ سيڪيورٽي فورسز سميت آئيني ۽ رياستي ادارن جو احترام ڪن، ترقي ۽ خوشحالي جي سفر ۾ رڪاوٽون وجهڻ کان پاسو ڪيو وڃي، هي وقت زخمن تي لوڻ ڇڙڪڻ جو نه پر مرهم رکڻ جو آهي، محسن داوڙ اين ڊي ايس جي عهديدار امتياز وزير سان پنهنجي لاڳاپن جي وضاحت ڪري. قومي اسيمبلي ۾ خواجه آصف پاران اٿاريل نقطن جو جواب ڏيندي مواصلات واري وفاقي وزير مراد سعيد چيو ته ڪالهه جيڪو واقعو ٿيو آهي ان جون سموريون وڊيو فوٽيجز موجود آهن ته ڪيئن فوج جي چوڪيءَ تي حملو ڪيو ويو.
