اسلام آباد۔14ستمبر(اے پی پی) نگران وفاقی وزیر صحت ڈاکٹر ندیم جان پولی کلینک ہسپتال دا اچانک دورہ کیتے اتے اوپی ڈی سودھے مختلف وارڈز اچ ݙتیاں ونڄݨ آلیاں سہولتاں دا جائزہ ڳھدے ۔ وزارت صحت دے ترجمان موجب نگران وفاقی وزیر صحت ہسپتال ایمرجنسی سودھے وارڈز اتے فارمیسی دا دورہ وی کیتا مریضاں دی عیادت کیتی ۔ انہاں دوائیں دا ریکارڈ کمپیوٹرائزڈ نہ ہووݨ تے کاوڑ کریندے ہوئیں ہدایت کیتی جو مریضاں کوں دوائیں دی بلا تعطل فراہمی یقینی بݨائی ونڄے۔ انہاں آکھیے بلاتعطل دوائیں ݙیوݨ اچ کوئی کاوٹ ہوئی تاں ذمے واراں دا محاسبہ کیتا ویسی ۔ انہاں آکھیے میکوں ڈیڈ لائن ݙتی ونڄے جو کݙاں تئیں دوائیں دی ترسیل دا نظام کمپیوٹرائزڈ تھیسی جے ݙتی ڳئی ڈیڈ لائن تئیں فارمیسی دا ریکارڈ کمپیوٹرائزڈ نہ تھیا تاں سخت کاروائی کیتی ویسی ۔ انہاں آکھیے سارے ہسپتالاں اچ دوائیں دا ریکارڈ کمپیوٹرائزڈ کریندے پیوں اساں ساریں توں پہلے عوام کوں جواب ݙیوݨے ،انتظامیہ اپݨی ذمہ واریاں چنڳے طریقے نبھاوے ایندے اچ کوئی وسلائی برداشت نہ کیتی ویسی۔
