اسلام آباد – 10 فيبروري (اي پي پي) قومي اسيمبلي جي اسپيڪر اسد قيصر چيو آهي ته (2018ع جي سينيٽ چونڊن جي موقعي تي صوبائي اسيمبلي جي ڪجهه ميمبرن کي رقم جي ادائيگي جي) جي وڊيو ۾ ڏيکاريل جاءِ اسپيڪر هائوس پشاور نه آهي ۽ نه ئي منهنجو ان معاملي سان ڪو تعلق آهي. اهڙي طرح جا بيان صرف معاملن تان ڌيان هٽائڻ جي ناڪام ڪوشش آهن. پنهنجي هڪ وضاحتي ٽوئيٽ ۾ هن چيو ته 2018ع ۾ پاڪستان تحريڪ انصاف جي چيئرمين عمران خان ٻڌايو ته اهڙي طرح جي ڏي وٺ ٿي آهي ۽ سڄي پارٽي جو فيصلو هيو ته انهن ميمبرن جي خلاف ڪارروائي ڪئي وڃي، هاڻي اهڙي طرح جا بيان صرف معاملن تان ڌيان هٽائڻ جي ناڪام ڪوشش آهي.
