اسلام آباد۔20اپریل (اے پی پی) وفاقی وزیر برائے خزانہ مفتاح اسماعیل آکھیا جو عمران خان پوݨے چار سالیں اچ 20 ہزار ارب روپے توں ودھ قرضہ ڳھدے، مجموعی غیر ملکی قرضیاں دا حجم 75.4 ارب ڈالر توں ودھ تے 102.3 ارب ڈالر تھی ڳئے۔ تجارتی خسارہ 43 ارب ڈالردی سطح تے اے، بے روزگار لوکاں دی تعداد 35 لکھ توں ودھ تے 95 لکھ تھی ڳئی اے، آئی ایم ایف نال پروگرام واپسی ٹریک تے ڳھن امسوں۔ اے ڳالھیں انہاں بدھ کوں اکبینہ اجلاس دے بعد میڈیا کوں بریفنگ ݙیندیں ہوئیں آکھی۔ انہاں آکھیا جو عمران خان بارودی سرنگ لا تے ڳئن، ڈٰیزل اتے پٹرول تے ٹیکس نی ڳھدا، عمران خان شہباز شریف دی حکومت کوں اوکھ اچ پا ڳئن، انہاں آکھیا جو 52 روپے ڈیزل اتے 21 روپے پٹرول تے سبسڈی اے، اپریل اچ سبسڈی دی مد اچ 68 ارب روپے دا خرچہ تھیے، اوگرا دے مطابق مئی اتے جون اچ 96 ارب روپے تئیں دا خرچہ اے۔ اے پاکستان دی سویلین حکومت چلاوݨ دے خرچے توں ݙو گنا اے۔ جئیں کوں اساں جاری نی رکھ سڳدے، ایندا فیصلہ وزیراعظم کریسن۔ انہاں آکھیا جو عمران خان پوݨے چار سالیں اچ 20 ہزار ارب روپے توں ودھ قرضہ ڳھدے، مجموعی غیر ملکی قرضیاں دا حجم 75.4 ارب ڈالر توں ودھ تے 102.3 ارب ڈالر تھی ڳئے۔
