اسلام آباد۔4جون (اے پی پی):صدر مملکت ڈاکٹرعارف علوی 10 کشمیری نینگراں دے قتل دی مذمت کریندے ہوئیں آکھیے جو قابض بھارتی افواج سرچ آپریشن دے ناں تے بے گناہ کشمیری نینگراں کوں نشانہ بݨیندی پئی اے۔ ایوان صدر دے پریس ونگ توں ہفتے کوں جاری بیان موجب صدر مملکت آکھیے جو بھارت کشمیری نینگراں دے دے ماورائے عدالت قتل دیاں کارروائیاں بند کرے، بھارت ظالمانہ کارروائیاں توں کشمیریاں دے جذبہ حریت کوں دٻا نی سڳدا ۔صدر ڈاکٹر عارف علوی آکھیے جو بھارتی بربریت دے خلاف بھارت دے غیر قانونی زیر تسلط جموں و کشمیر دی مقامی تحریکِ آزادی کوں دہشت گردی نال نی جوڑیا ونڄ سڳدا ۔ صدر مملکت آکھیے جو بھارت دے غیر قانونی زیر تسلط جموں و کشمیر اچ انسانیت سوز کارروائیاں توں انتہاپسند ہندوتوا دا چہرہ بے نقاب تھئے۔ انہاں آکھیے جو عالمی برادری بھارت دے غیر قانونی زیر تسلط جموں و کشمیر اچ انسانی حقوق دیاں خلاف ورزیاں دا نوٹس گھنے۔ صدر مملکت آکھیے جو اقوام متحدہ دی قرارداداں دے مطابق جھیڑا جموں و کشمیر دا حل ہی خطے اچ امن دا ضامن اے۔
