لاہور ۔11ستمبر (اے پی پی) وزیراعظم شہبازشریف دی صدارت اچ لاہور اچ تھیوݨ آلے اجلاس اچ چھل متاثرہ علاقیاں اچ جاری ریسکیو اتے ریلیف دے کماں دا تفصییلی جائزہ ڳھدا ڳیا۔ وزیراعظم دی ہدایت تے چھل متاثرین دی امداد دی تقسیم تے ونڈ اچ شفافیت کیتے ڈیجیٹل فلڈ ڈیش بورڈ قائم کر ݙتا ڳئے جئیں دا افتتاح وفاقی وزیر احسن اقبال سنوار کوں کریسن۔ ڈیش بورڈ نال عوام کوں امدادی سامان دی وصولی ، تقسیم اتے ترسیل دی سارے معلومات فوری ݙتی ویسن۔ آݙت وار کوں وزیراعظم آفس دے میڈیا ونگ توں جاری بیان موجب وزیراعظم شہبازشریف دی ہدایت تے چھل متاثرین کیتے آوݨ آلی امداد اتے اوندی ونݙ دے سارے عمل کوں شفاف ٻݨاوݨ کیتے ’ڈیجیٹل فلڈ ڈیش بورڈ“ ٻݨا ڳھدا ڳئے جئیں نال عوام چھل متاثرین کیتے عالمی، وفاقی اتے صوبائی سطح تے آوݨ آلی رقم اتے امدادی سامان ابرے نہ صرف براہ راست ڄاݨ سڳسن بلکہ اے وی پتہ لڳسی جو اے امدادی سامان کتھاں کتھاں تقسیم کیتا ڳئے۔ وزیراعظم دی خصوصی ہدایت تے ڈیجیٹل ڈیش بورڈ دا باضابطہ افتتاح سنوار 12ستمبر کوں وزیر منصوبہ بندی اتے ڈپٹی چئیرمین نیشنل فلڈ ریسپانس اینڈ کوآرڈینیشن سینٹر احسن اقبال ’این۔ایف۔آر۔سی۔سی‘ اچ کریسن۔
