اسلام آباد۔5اکتوبر (اے پی پی) وزیرِ اعظم محمد شہباز شریف تھر کول مائنز کوں ریلوے لائنز نال جوڑݨ دی ہدایت ݙیندیں ہوئیں آکھیا جو تھر دا کوئلہ بجلی دے گھراں اچ استعمال تھیوݨ نال سالانہ ݙو ارب ڈالر توں ودھ دے زرمبادلہ دی بچت تھیسی۔ اے ڳالھیں انہاں بدھ کوں تھر کول مائنز کوں ریلوے لائنز نال جوڑݨ بارے اجلاس دی صدارت کریندیں ہوئیں آکھی۔ اجلاس اچ وفاقی وزرا اسحاق ڈار، احسن اقبال، خرم دستگیر، معاونینِ خصوصی جہانزیب خان، ظفر الدین محمود اتے متعلقہ اعلیٰ حکام شریک تھیےجڈانجو وفاقی وزیرِ ریلوے خواجہ سعد رفیق اتے وزیرِ اعلیٰ سندھ سید مراد علی شاہ وڈیو لنک دے ذریعے اجلاس اچ ݙسیا ڳیا جو تھر کول مائنز کوں ریلوے لائنز نال جوڑݨ بارے مقامی کوئلہ جامشورو، پورٹ قاسم اتے ملک دے ݙوجھے پاور پلانٹس نال مقامی صنعت کوں وی ݙتا ویسی، ایں نال کوئلے تے ایندھن دی درآمد اچ خرچ تھیوݨ آلا قیمتی زرمبادلہ بچایا ونڄ سڳسی۔ وزیراعظم متعلقہ حکام کوں ترجیحی بنیاداں تے ایں منصوبے تے کم کرݨ اتے اینکوں مارچ 2023 تئیں پورا کرݨ دی ہدایت کیتی۔
