ملتان۔ 12 مارچ (اے پی پی):حرم گیٹ دے نیڑے عمارت ڈھݨ توں 9 بندے جاں بحق جݙاں جو 2شدید زخمی تھی ڳئن ۔ اے واقعہ محلہ جوگیاں اچ سویلے ساڈھے 3 وڄے دے نیڑے پیش آئے ۔ڈسٹرکٹ ایمرجنسی افسرڈاکٹر کلیم موجب ترائے منزلہ عمارت ھک مکان تے ڈھہہ ڳئی جیں دی اطلاع ریسکیو 1122 کوں بزریعہ کال ݙتی ڳئی ۔ااطلاع ملدے ہی ٹیماں موقع تے پڄ ڳیاں تے آپریشن شروع کرݙتا ڳیا ۔ریسکیو آپریشن مکمل کر تے ݙو شدید زخمیاں کوں نشتر ہسپتال منتقل کرݙتا ڳئے ۔ڈپٹی کمشنر ،ڈی پی او اتے ٻئے افسران وی موقع تے پڄ ڳئن تے حادثے دی انکوائری دا حکم ݙتا۔حاثے دی وجوہات ڄاݨم سانڳے مزید تحقیقات جاری ہن۔جاں بحق تھیوݨ آلیں اچ ھکے خاندان دے 7 لوک شامل ہن۔جنھاں اچ ذال تے پنج ٻال شامل ہن۔جنھاں دی شناخت ،دانش عمر 15 سال،فہیم عمر 40، امیر علی عمر12 سال، وسیم عمر 14 سال،صنوبر عمر 40 سال، بختاور عمر 18سال اتے کومل عمر 13 سال دے ناں نال تھئی اے جݙاں جو وقار اتے مسرت بی بی شدید زخمی ہن۔
